जेठो छोरो

"जहाँ आत्मा शरीर छोड्ने आट गर्‍यो,श्वासले मुटु छोड्ने आट गर्‍यो तर मनले आमाको याद र आमा भन्दा अगाडी दुनियाँ छोड्ने आट गरेन"

यदि तपाईंहरूले "जेठो छोरो" उपन्यास पुस्तक पढ्न चाहनुहुन्छ भने तलका नम्बरहरूमा सम्पर्क गर्न सक्नुहुन्छ—

तपाईंहरूको साथ, माया र सुझावको प्रतीक्षा रहनेछ। 🙏✨

लेखकको कलम बाट ......

जीवनले कहिल्यै सोध्दैन — तिमी तयार छौ कि छैनौ ? तर जिम्मेवारी भने एकदिन ढोका ढकढक्याउँछ, र त्यही क्षणदेखि बाल्यकालको अन्त्य हुन्छ ।

“जेठो छोरा” केवल एउटा पात्रको कथा होइन, यो त हजारौं परिवारहरूको मौन इतिहास हो — जहाँ एउटा छोराको हाँसो बिस्तारै रोकिँदै जान्छ, किनकि घरमा जेठो छोरा पढ्न होइन, कमाउन पठाइन्छ ।

यो उपन्यास सुरज नामका पात्रको यात्रा हो — जो आफ्नै अन्धकारभित्र उज्यालो खोज्दै निस्किन्छ । दुःख, बेवास्ता र परदेशको पीडाबीच पनि ऊ कहिल्यै हार मान्दैन, किनकि ऊ बुझ्छ —“आफ्नो बलिदानले परिवार बाँच्छ भने, त्यो नै पूजा हो ।”

सुरज कुनै असाधारण पात्र होइन, ऊ त हामी सबैको मनभित्र लुकेको त्यो आत्मा हो — जो थकित छ, तर अडिएको छ; जो रोएको छ, तर अझ बलियो बनेको छ ।

यो कथा रगत, पसिना र आँसुबाट लेखिएको हो । जहाँ हरेक पानामा आमाको सम्झना छ, बुबाको कतै मौनता, कतै गैरजिम्मेवारीको पीडा छ, दिल सफा तर व्यवहारमा कठोर आँसुहरू छन्, र एउटा छोरोको त्यागभित्र पूरा ब्रह्माण्डको करुणा लुकेको छ ।

“जेठो छोरा” ले सिकाउँछ —संघर्षले मान्छेलाई हराउँदैन,

बरु उसलाई नयाँ अर्थ दिन्छ । प्रेम, कर्तव्य र आत्मसमर्पण नै मानवताको सबैभन्दा ठूलो धर्म हो ।

यो उपन्यास लेख्दा म केवल कथा रच्दै थिइनँ, म आफ्नै जीवनका टुक्राहरूलाई शब्दमा जोड्दै थिएँ — दुःख, हाँसो, पीडा र आशा मिसिएको एउटा आत्मयात्रा, जहाँ हरेक पाना घाउको चिनो हो,

तर हरेक वाक्य आशाको पुनर्जन्म हो ।

अन्ततः, यो कथा यही सन्देश दिन्छ — जीवन सजिलो छैन, तर आशा र आस्था भए सबथोक सम्भव छ । आफ्नो पीडालाई उज्यालोमा रूपान्तरण गर्नेहरू कहिल्यै हराउँदैनन् — उनीहरू अमर हुन्छन् ।

यो एउटा आत्माको यात्रा हो — जहाँ म लेखक मात्र होइन,

म आफैं पात्र बनेर लेखिएको सत्य हो ।

भाषा सम्पादन गरिदिनु भएकाेमा आदरणीय गुरू धनपति कोईराला र अर्जुन अविरल भिनाजूप्रति पनि हार्दिक आभार । तपाईंहरूको साथ, सल्लाह र प्रेरणाले